Universitet rahbariyati va Kasaba uyushmasi tashabbusi bilan jamoada birlik va ahillikni yanada mustahkamlash, o‘zaro hurmat va do‘stona muhitni rivojlantirish maqsadida tashkil etilgan sayohat davomida 100 nafar xodim va talaba ko‘hna va navqiron shaharning tarixiy obidalari va boy madaniy merosi bilan yaqindan tanishdi. Qadimiy me’moriy yodgorliklar, muqaddas qadamjolar hamda betakror shahar muhiti jamoa a’zolarida chuqur taassurot qoldirdi.
Mazkur tashabbus nafaqat madaniy hordiq olish, balki jamoaviy birdamlikni kuchaytirish, xodimlar va talabalar o‘rtasidagi samimiy muloqotni yanada mustahkamlashga xizmat qildi.