Universitet Ta'lim Ilmiy-innovatsion faoliyat
Xalqaro faoliyat Talabalar hayoti Qabul 2023 SDG
Oʼzbekcha
English Русский
Network error!

Ilmiy faoliyat

Toshkent davlat yuridik universiteti “TSUL” ning ilmiy faoliyati O‘zbekistonda, balki Markaziy Osiyoda “yurisprudensiya” mutaxassisligi bo‘yicha ilmiy salohiyatni kuchaytirish, oliy ta’limdan keyingi ta’lim institutlarida yuqori malakali ilmiy va ilmiy-pedagogik kadrlar - falsafa doktorlari (PhD) va fan doktorlari (DSc) tayyorlash, ilmiy tadqiqotlarni olib borish va uning natijalarini huquqshunoslik barcha sohalariga tadbiq etish, oliy ta’lim va ilmiy-tadqiqot muassasalari, davlat va xo‘jalik boshqaruv organlari hamda boshqa tashkilotlar, shuningdek, xorijiy yetakchi oliy ta’lim va ilmiy-tadqiqot muassasalari bilan o‘zaro hamkorlikni yo‘lga qo‘yishga yo‘naltirilgan.

Ilmiy faoliyat va ilmiy tadqiqot olib borish universitetning professor-o‘qituvchilar, mustaqil izlanuvchilar, doktorantlar, magistrlar va talabalarning eng muhim faoliyatlaridan biridir.

Universitetning ilmiy faoliyat va ilmiy tadqiqoti O‘zbekiston Respublikasining “Ta’lim to‘g‘risida”gi qonun, 2017-yil 16-fevraldagi O‘zbekiston Respublikasi Prezidentining “Oliy o‘quv yurtidan keyingi ta’lim tizimini yanada takomillashtirish to‘g‘risida”gi farmoni, 2017-yil 22-maydagi O‘zbekiston Respublikasi Vazirlar Mahkamasining “Oliy ta’limdan keyingi ta’lim tizimini yanada takomillashtirish chora-tadbirlari to‘g‘risida”gi 304-son qarori, O‘zbekiston Respublikasi Prezidentining “O‘zbekiston Respublikasida yuridik ta’lim va fanni tubdan takomillashtirish bo‘yicha qo‘shimcha chora-tadbirlar to‘g‘risida”gi, O‘zbekiston Respublikasi Oliy ta’lim tizimini 2030-yilgacha rivojlantirish kontseptsiyasini tasdiqlash to‘g‘risidagi, Ilm-fanni 2030-yilgacha rivojlantirish kontseptsiyasini tasdiqlash to‘g‘risidagi farmonlari va “Ilmiy boshqarma to‘g‘risida”gi nizom hamda boshqa qonun va qonunosti hujjatlariga asosan amalga oshirilmoqda.


Universitetda ilmiy-tadqiqotning asosiy yo‘nalishlari quyidagilardan iborat:

12.00.00 - YURIDIK FANLAR

12.00.01 - Davlat va huquq nazariyasi va tarixi. Huquqiy ta’limotlar tarixi.

12.00.02 - Konstitutsiyaviy huquq. Ma’muriy huquq. Moliya va bojxona huquqi.

12.00.03 - Fuqarolik huquqi. Tadbirkorlik huquqi. Oila huquqi. Xalqaro xususiy huquq.

12.00.04 - Fuqarolik protsessual xuquqi. Xo‘jalik protsessual xuquqi. Hakamlik jarayoni va mediatsiya.

12.00.05 - Mehnat huquqi. Ijtimoiy ta’minot huquqi.

12.00.06 - Tabiiy resurslar huquqi. Agrar huquq. Ekologik huquq.

12.00.07 - Sud hokimiyati. Prokuror nazorati. Huquqni muhofaza qilish faoliyatini tashkil etish. Advokatura.