Universitet Ta'lim Ilmiy-innovatsion faoliyat
Xalqaro faoliyat Talabalar hayoti Qabul 2022 SDG
Oʼzbekcha
English Русский
Network error!

TDYU talabalari “Mehnat huquqi yoshlar nigohida” mavzusida o‘tkazilgan tanlovning sovrindori bo‘ldi

Talabalarning huquqiy ong va madaniyatini yanada yuksaltirish, ular o‘rtasida xalqaro va milliy mehnat standartlarining mohiyatini targ‘ib qilish va shu orqali yigit-qizlarda faol fuqarolik pozitsiyasini rivojlantirishga qaratilgan tanlov O‘zbekiston kasaba uyushmalari federatsiyasi va Toshkent davlat yuridik universiteti hamkorligida tashkil etildi.

Tanlov uchun TDYU “Mehnat huquqi” kafedrasi professor-o‘qituvchilari tomonidan qonunchilikdagi eng so‘nggi yangiliklar asosida 500 ta test va 600 ta blits-savollar tuzildi.

Ikki bosqich — onlayn test va og‘zaki suhbat shaklida o‘tkazilgan tanlovda 2 ming nafardan ziyod talaba ishtirok etdi.

Yakuniy natijalarga ko‘ra, TDYU talabalari Javohir Ismoilov va Nozimjon Odilov 2-o‘rinni, Oybek Ahmedov va G‘olibjon Ne’matov 3-o‘rinni qo‘lga kiritdi.

Ma’lumot uchun: TDYU “Mehnat huquqi” kafedrasi mudiri Sh.Ismoilov, kafedra professor-o‘qituvchilari X.Burxonxodjayeva va L.Rahimqulova tanlov va apellyatsiya komissiyasi a’zosi sifatida ishtirok etdi.