Oʼzbekcha
English Русский
Network error!

Mustaqil izlanuvchilikka hujjatlar qabuli davom etmoqda

Falsafa doktori (PhD) ilmiy darajasi uchun mustaqil izlanuvchilikka quyidagilar rasmiylashtiriladi:
– magistr yoki klinik ordinatura (tibbiyot fanlari uchun) diplomi yoki oliy ma’lumot to‘g‘risidagi (ixtisoslik bo‘yicha) diplomga ega bo‘lganlar;
– belgilangan ilmiy maqolalariga ega bo‘lganlar;

Fan doktori (DSc) ilmiy darajasi uchun mustaqil izlanuvchilikka fan nomzodi yoki falsafa doktori (PhD) yoki ularga tenglashtirilgan xorijiy mamlakatlarda olingan diplomga ega bo‘lgan, belgilangan tartibda talablarga muvofiq ilmiy daraja olganidan so‘ng salmoqli ilmiy yutuqlarga erishgan shaxslar rasmiylashtiriladi.

Falsafa doktori (PhD) yoki fan doktori (DSc) ilmiy darajasini olish uchun mustaqil izlanuvchilikka talabgorlar (phd.mininnovation.uz) orqali TM yoki ITga quyidagi hujjatlarni taqdim etadi:
– qisqacha biografik ma’lumotnoma;
– falsafa doktori (PhD) ilmiy darajasini olish uchun mustaqil izlanuvchi sifatida rasmiylashtirish uchun magistrlik yoki klinik ordinatura (tibbiyot fanlari uchun) yoki oliy ma’lumot (mutaxassislik dasturi bo‘yicha) to‘g‘risidagi diplom nusxasi;
– mehnat daftarchasining belgilangan tartibda tasdiqlangan nusxasi;
– ilmiy ishlar ro‘yxati va ularning nusxasi;
– fan doktori (DSc) ilmiy darajasini olish uchun mustaqil izlanuvchi sifatida rasmiylashtirish uchun fan nomzodi yoki falsafa doktori (PhD) diplomi yoki xorijda olingan unga tenglashtirilgan boshqa ilmiy darajalar diplomi nusxasi;
– ish joyidan tavsifnoma;

Talabgorlar mustaqil izlanuvchilikka ixtisoslik boʼyicha suhbat natijalari va qabul komissiyasining tegishli xulosasi boʼyicha amalga oshiriladi.

Maʼlumotlar uchun quyidagi manzilga murojaat qilish mumkin:
Toshkent, Sayilgoh koʼchasi, 35-uy, TDYU Ilmiy boshqarmasi.
Telefon: 233-66-36. Ichki: (1042, 1043)