Xalqaro faoliyat Talabalar hayoti Qabul komissiyasi
Oʼzbekcha
English Русский
Network error!
Ochiq eshiklar kuni

Toshkent davlat yuridik universitetida ochiq eshiklar kuni yoshlarning siyosiy-huquqiy savodxonligini oshirish, yoshlarga oid davlat siyosatining mazmun-mohiyatini yetkazish shuningdek, universitetning ilmiy, o‘quv va yoshlar bilan ishlash jarayonlari bilan yaqindan tanishtirish maqsadida o‘tkaziladi.

Ochiq eshiklar kuni  o‘tkazilish sanasi va joyi haqida ommaviy axborot vositalarida e’lon berilib, tashrif buyuruvchilar onlayn (“google forms”da) ro‘yxatdan o‘tkaziladi.

O‘zbek, rus, ingliz tilida muloqot olib boruvchi talaba-yoshlardan iborat volontyorlar guruhi ochiq eshiklar kuniga tashrif buyuruvchilarni ularga ma'qul bo‘lgan tilda sayoxat qiluvchi guruhlarga bo‘lib olinadi.

Oliy ta'lim muassasasi tomonidan ishlab chiqilgan dastur va xarita asosida ochiq eshiklar kuni o‘tkaziladi. Tashrif buyuruvchilarga quyidagilar: vaqt reglamenti, ma’ruza mavzusi, ma’ruzachi haqida ma'lumot va mashrut yo‘nalishlari aks ettirilgan dastur beriladi.

Ochiq eshiklar kunida oliy ta'lim muassasasida yoshlarning siyosiy-huquqiy savodhonligini oshirish borasida amalga oshirilayotgan islohotlar, yoshlarga oid davlat siyosatinig ijrosini ta'minlash sohasida qilinayotgan ishlar, shuningdek OTM tarixi, ma'naviy-ma'rifiy tadbirlar, ilmiy, o‘quv jarayonlari haqida batafsil ma'lumotlar berib o‘tiladi. Bundan tashqari OTM binolari, axborot-resurs markazi, laboratoriyalar, sport zallari kabi talaba-yoshlarning ta'lim olishi, darsdan bo‘sh vaqtlarini mazmunli o‘tkazishlari uchun yaratilgan sharoitlar haqida ham ma'lumotlar berish orqali tur tashkil etiladi.

Tur yakunida tashrif buyuruvchilarning ixtiyoriga ko‘ra esdalik uchun fotosessiya tashkil etiladi.