Bosh sahifa > HODISALAR E'LONLARI

TDYUda “Barqaror rivojlanish maqsadlariga erishishda ekologik qonun hujjatlarini takomillashtirish masalalari” mavzusida xalqaro ilmiy-amaliy konferensiya o‘tkaziladi

Birlashgan Millatlar Tashkiloti tomonidan qabul qilingan Barqaror rivojlanish maqsadlarining ekologik-huquqiy asoslarini o‘rganish, tahlil qilish, ushbu maqsadlarga erishishning ijtimoiy-siyosiy, huquqiy asoslarini muhokama qilish, mazkur yo‘nalishlarda milliy qonun hujjatlarini takomillashtirish va amaliyot uchun zarur bo‘lgan tegishli taklif, tavsiyalar ishlab chiqish maqsadida tashkil etilayotgan xalqaro anjuman 27-sentabr 10:00 dan boshlab an’anaviy va onlayn formatda TDYU 1-bino kengashlar xonasida o‘tkaziladi.

Shuningdek, anjumanda quyidagi ZOOM-link orqali ham ishtirok etish mumkin:

Xalqaro konferensiya yakunida anjuman materiallarini to‘plam shaklida chop etish rejalashtirilgan. Shu munosabat bilan mavzuga oid ilmiy maqola va tezislar o‘zbek, ingliz yoki rus tillarida 25-sentabrga qadar a.nishonov@tsul.uz elektron manziliga yoki +99894 553-89-77 (Abdulloh Nishonov) Telegram raqamiga yuborilishi kerak.

Maqolalarga qo‘yilgan talablar: 1. Maqolada konferensiya seksiyalaridagi mavzulardan biri bo‘yicha tizimli tahlil hamda aniq yangi nazariy va amaliy takliflarning aks etishi;
2. Matn takrorlarsiz, mantiqiy izchil, bayon qilingan fikrlar aniq, qisqa va lo‘nda bo‘lishi;
3. Keltirilayotgan ma’lumotlar ishonchli va to‘g‘ri bo‘lishi;
4. Matn o‘zbek, rus yoki ingliz tillaridan birida taqdim etilishi;
5. Matn kompyuterda Microsoft Word dasturining Times New Roman shriftida 14 kattalikda 1,5 intervalda A4 formatli standart oq qog‘ozning bir tomonida yozilishi, elektron nusxada taqdim etilishi hamda matnning chap qismi 3 cm, o‘ng qismi 1,5 cm, tepa va pastki qismlari 2 cm bo‘lishi;
6. Maqolada ilmiy bahs-munozara, iqtiboslarning mavjud bo‘lishi; iqtiboslar 10 kattalikdagi shriftda 1,0 intervalda yozilishi (iqtiboslar tegishli betning pastki qismida keltirilishi);
7. Maqolaning hajmi 3-7 bet bo‘lishi;
8. Maqolaning birinchi sahifasida muallifning ism-sharifi, ilmiy darajasi va unvoni, ish joyi va lavozimi, telefon raqamlari yozilishi kerak.

Tashkiliy qo‘mita ma’ruzalar tezislari va maqolalarni saralash hamda ularni elektron ko‘rinishda chop etishni o‘z zimmasida qoldiradi.