- E-Library
- E-university
- Distance learning
- Schedule of lessons
- For international students
- Scholarships and grants
- Student Services Center
- Street Law
- Academic mobility
- Foreign academics
- Trainings and non-degree programs
- Clubs and clubs, workshops and festivals
- Ask a Question
- Ways to fight corruption
Current students
TDYU Xitoyning Sanya universiteti bilan hamkorlik qiladi
Toshkent davlat yuridik universiteti “Jinoiy odil sudlov” fakulteti dekani Dildora Kamalova, xalqaro aloqalar bo‘limi mutaxassisi Muhammad Ali Ramazonov, grantlar bo‘limi xorijiy mutaxassisi Yelena Guseletovadan iborat TDYU delegatsiyasi Xitoyning Xaynan provinsiyasida joylashgan Sanya universiteti (Sanya University)ga tashrif buyurdi.
Ikki oliy ta’lim muassasalari vakillari ishtirokida tashkil etilgan uchrashuvda Sanya universiteti xalqaro ofisi direktori Jong Yuhong, Huquq maktabi dekani Lyu Yabin, Yuridik boshqarma boshlig‘i Syao Jilin va talabalar ishtirok etdi.
Uchrashuvda TDYU va Sanya universiteti o‘rtasida hamkorlikni yo‘lga qo‘yish masalalari muhokama qilindi.
Muzokaralar yakunida TDYU va Sanya universiteti o‘rtasida hamkorlik memorandumini imzolashga kelishib olindi.
Mazkur memorandumga ko‘ra tomonlar quyidagi yo‘nalishlarda hamkorlik qilishi rejalashtirilgan:
– hamkorlikda turli ilmiy loyiha va dasturlarni yo‘lga qo‘yish;
– ilmiy tadqiqotchilarning qisqa va uzoq muddatli stajirovkalarini tashkil etish;
– ilmiy adabiyotlar, ma’lumotlar va g‘oyalar almashinuvini yo‘lga qo‘yish;
– o‘quv jarayonini samarali boshqarishni ta’minlash va o‘qitishning innovatsion usullarini joriy etishni qo‘llab-quvvatlash;
– ikki oliy ta’lim muassasalari talabalari ishtirokida TDYU va Sanya universitetida yozgi va qishki maktablarni tashkil etish;
– talabalar, professor-o‘qituvchilar va xodimlar uchun akademik almashinuv dasturlarini tashkil etish;
– elektron kutubxona imkoniyatlaridan foydalanish uchun sharoit yaratish.
Tashrif davomida TDYU delegatsiyasi Sanya universiteti kampusi va ushbu ta’lim muassasasidagi o‘quv jarayoni bilan tanishdi.
Latest news
Load More Post...Announces
Noy
Noy
Noy
