Shior:
“Ta’lim, ilm-fan va ma’naviyat rivoji yo‘lida ishonchli axborot makoni”.
Axborot-resurs markazining asosiy maqsadi talabalar, professor-o‘qituvchilar, ilmiy izlanuvchilar hamda boshqa foydalanuvchilarni o‘quv, ilmiy, badiiy va xorijiy adabiyotlar bilan tezkor, to‘liq va sifatli ta’minlash, zamonaviy axborot-kutubxona xizmatlarini yo‘lga qo‘yish hamda ta’lim va ilmiy-tadqiqot jarayonlarini an’anaviy va raqamli axborot resurslari bilan samarali qo‘llab-quvvatlashdan iborat.
Markaz universitetda amalga oshirilayotgan ta’lim, ilmiy-tadqiqot va ma’naviy-ma’rifiy jarayonlarda faol ishtirok etib, yuqori malakali, zamonaviy bilim va ko‘nikmalarga ega mutaxassislarni tayyorlashga xizmat qiladi.
Markaz faoliyatining ustuvor yo‘nalishlari quyidagilardan iborat:
· kitobxonlik madaniyatini rivojlantirish;
· foydalanuvchilarning axborotga bo‘lgan ehtiyojlarini to‘liq qondirish;
· ta’lim va ilmiy-tadqiqot faoliyatini axborot bilan ta’minlash;
· universitetning ma’naviy-ma’rifiy muhitini mustahkamlash;
· elektron axborot bazalari va raqamli kutubxona fondini shakllantirish va rivojlantirish;
· foydalanuvchilarning axborot madaniyatini yuksaltirish.
Axborot-resurs markazi quyidagi vazifalarni amalga oshiradi:
1. Ta’lim jarayonini axborot bilan ta’minlash
· o‘quv dasturlari va ta’lim yo‘nalishlariga muvofiq adabiyotlar fondini shakllantirish va muntazam boyitib borish;
· darsliklar, o‘quv qo‘llanmalar, ilmiy nashrlar va boshqa zarur adabiyotlarni yangilash;
· foydalanuvchilarga tezkor va sifatli axborot-kutubxona xizmatlarini ko‘rsatish.
2. Ilmiy faoliyatni qo‘llab-quvvatlash
· professor-o‘qituvchilar va ilmiy izlanuvchilarni zarur ilmiy manbalar bilan ta’minlash;
· milliy va xalqaro elektron axborot bazalaridan foydalanish imkoniyatlarini kengaytirish;
· ilmiy tadqiqotlar olib borishda bibliografik va metodik yordam ko‘rsatish.
3. Ma’naviy-ma’rifiy faoliyatni rivojlantirish
· kitobxonlikni targ‘ib qilishga qaratilgan tadbirlarni tashkil etish;
· yoshlar orasida mutolaa madaniyatini rivojlantirish;
· tarixiy, huquqiy va ma’naviy-ma’rifiy mavzularda uchrashuvlar, davra suhbatlari, tanlovlar va boshqa tadbirlarni o‘tkazish.
4. Faoliyatni raqamlashtirish va innovatsion texnologiyalarni joriy etish
· elektron kataloglar va ma’lumotlar bazalarini shakllantirish hamda yuritish;
· axborot-kutubxona faoliyatiga zamonaviy dasturiy vositalar va texnologiyalarni joriy etish;
· foydalanuvchilarning axborot resurslaridan masofaviy foydalanish imkoniyatlarini kengaytirish.
Markaz faoliyati doirasida kitobxonlik madaniyatini rivojlantirish, talabalarning intellektual salohiyatini oshirish va ularning ijtimoiy faolligini qo‘llab-quvvatlashga qaratilgan quyidagi loyihalar va tashabbuslar amalga oshiriladi:
· Bookcrossing — kitob almashish va mutolaa madaniyatini targ‘ib qilish loyihasi;
· Yozgi kitobxonlik challenge — yozgi ta’til davrida kitobxonlikni rag‘batlantirishga qaratilgan mavsumiy loyiha;
· “Men tavsiya qilaman” — kitobxonlar o‘rtasida kitob tavsiyalarini almashish tashabbusi;
· “Zakovat” intellektual o‘yinlari — talabalarning bilim va intellektual salohiyatini rivojlantirishga qaratilgan musobaqalar;
· Volontyorlar tashabbuslari — ijtimoiy, ma’rifiy va sport tadbirlarini tashkil etish hamda ularda talabalarning ishtirokini ta’minlashga qaratilgan faoliyat.