Qabul komissiyasi

Qabul komissiyasi 2021/2022

TDYUga xorijiy fuqarolarni qabul qilish shartlari

Xorijiy fuqarolarni TDYUga qabul qilish tartibining huquqiy asosi

O‘zbekiston Respublikasi Vazirlar Mahkamasining 2017 yil 2 iyundagi “Toshkent davlat yuridik universitetida kadrlar tayyorlash tizimini yanada takomillashtirish chora-tadbirlari to‘g‘risida”gi 347-son qarori.

TDYUga xorijiy fuqarolarni o‘qishga qabul qilish shartlari

O‘zbekiston Respublikasida yashash guvohnomasiga yoki investitsiya vizasiga ega bo‘lgan xorijiy investorlar hamda ularning oila a’zolari O‘zbekiston Respublikasi fuqarolari uchun nazarda tutilgan shartlarda o‘qishga kirishga va ta’lim olishga haqlidir.

Talabalar o‘qishi qonun hujjatlarida xorijiy fuqarolar uchun nazarda tutilgan to‘lov-kontrakt asosida amalga oshiriladi.

Xorijiy fuqarolar uchun o‘qishga kirish imtihoni

TDYU bakalavriatiga xorijiy fuqarolarni qabul qilish test sinovlarisiz, TDYUda o‘tkaziladigan suhbat natijalariga ko‘ra va reyting tizimiga muvofiq to‘plangan ballarni hisobga olgan holda amalga oshiriladi.

Xorijiy fuqarolar uchun arizalarni qabul qilish muddati

Xorijiy fuqarolarning qabul qilish to‘g‘risidagi arizalari qabul komissiyasi tomonidan 15 martdan 15 iyulgacha qabul qilinadi.

Xorijiy fuqarolardan hujjatlarni qabul qilish tartibi

TDYU bakalavriatiga qabul qilish uchun hujjatlar Internet jahon axborot tarmog‘i orqali topshiriladi.

Xorijiy fuqarolar aniq vaqt rejimida elektron shakldagi qabul qilish to‘g‘risidagi arizani to‘ldirib, unda:

ta’lim yo‘nalishi, ta’lim tili va shakli;

xorijiy fuqaro tomonidan oliy ta’lim muassasasini tugatganligi yoki unda oliy ma’lumoti mavjud emasligi;

xorijiy fuqaro suhbat o‘tkazish qoidalari bilan tanishganligi xususida belgi ko‘rsatiladi.

Elektron arizaga qanday hujjatlar ilova qilinadi?

Qabul qilish to‘g‘risidagi elektron arizaga quyidagilar elektron shaklda ilova qilinadi:

xorijiy fuqaroning pasporti yoki uning o‘rnini bosuvchi hujjat;

belgilangan tartibda legalizatsiya qilingan yoki apostil qo‘yilgan xorijiy davlatning vakolatli organlari tomonidan berilgan, o‘rganilgan fanlar va ular bo‘yicha imtihonlarda olingan baholar (ballar) ko‘rsatilgan ta’lim haqidagi hujjat;

3,5 x 4,5 sm o‘lchamdagi rangli fotosurat.

Arizaga ilova qilinayotgan har bir hujjat haqiqiyligi saqlanishini ta’minlovchi (har bir dyuymga 200 nuqtadan kam bo‘lmagan) alohida fayl ko‘rinishida bo‘lishi kerak. Har bir fayl o‘lchami 10 Mbdan oshmasligi lozim.

Arizani hujjatlar «PDF» (portable document format) formatida skaner qilingan nusxalari ko‘rinishida ilova qilingan holda jo‘natishga yo‘l qo‘yiladi.

Hujjatlarda kamchiliklar bo‘lsa nima qilish kerak?

Taqdim qilingan hujjatlar belgilangan talablarga muvofiq bo‘lmagan taqdirda, 72 soat ichida arizada ko‘rsatilgan elektron pochta manzil bo‘yicha xorijiy fuqaroga tegishli xabarnoma yuboriladi. Bunda xorijiy fuqaroga ko‘rsatib o‘tilgan kamchiliklarni tuzatish va hujjatlarni qabul qilishning belgilangan muddati tugagunga qadar ularni takroran taqdim etish imkoni beriladi.

Hujjatlarni qabul qilishning belgilangan muddati tugagandan so‘ng ularga o‘zgartish va qo‘shimchalar kiritish qat’iyan man qilinadi.

Xorijiy fuqarolar uchun o‘qishga kirish suhbati qachon o‘tkaziladi?

Suhbat 2–10 avgust kunlari o‘tkaziladi.

Xorijiy fuqarolar uchun o‘qishga kirish suhbati natijasini baholash

Suhbat natijalari xorijiy fuqaroga ballarni qo‘yishni (0 dan 100 gacha) nazarda tutadigan reyting tizimi bo‘yicha aniqlanadi.

Qaysi hollarda xorijiy fuqarolar o‘qishga qabul qilinmaydi?

Xorijiy fuqarolarni qabul qilish quyidagi hollarda amalga oshirilmaydi:

jadval bo‘yicha suhbatga kelmaganda (0 ball qo‘yiladi);

suhbatda belgilangan maksimal ballning 55 foizi va undan kam ball to‘plaganda.

Xorijiy fuqaro o‘qishga qabul qilingach kontrakt summasini qachon o‘tkazish kerak?

Xorijiy fuqarolarni qabul qilish jismoniy yoki yuridik shaxslar tomonidan o‘qish uchun kontraktda belgilangan mablag‘ miqdori 15 sentabrdan kechiktirilmay o‘tkazilgandan so‘ng TDYU rektori buyrug‘i bilan rasmiylashtiriladi. Xorijiy fuqarolarga 2 sentabrdan boshlab darslarga qatnashishga ruxsat etish to‘g‘risida buyruq rasmiylashtiriladi.

Qabul komissiyasi tarkibi

F.I.Sh.

Lavozimi

1

Raximjon Xakimov

Toshkent davlat yuridik universiteti rektori, qabul komissiyasi raisi

2

Dilshod Umarov

Xalqaro hamkorlik va uzluksiz ta’lim bo‘yicha prorektor, qabul komissiyasi raisi o‘rinbosari

3

Valisher Davlyatov

Sud, huquqni muhofaza qiluvchi organlar va advokatura kafedrasi mudiri, qabul komissiyasi mas’ul kotibi

4

Davronbek Mamasobirov

Jinoiy odil sudlov fakulteti dekani o‘rinbosari, qabul komissiyasi mas’ul kotibi o‘rinbosari (bakalavriat ta’lim yo‘nalishiga qabul bo‘yicha)

5

Shoxjaxon Xo‘jaev

Intellektual mulk huquqi kafedrasi mudiri, qabul komissiyasi mas’ul kotibi o‘rinbosari (magistratura mutaxassisligiga qabul bo‘yicha)

6

Elyor Raxmatov

Xususiy huquq fakulteti yoshlar bilan ishlash bo‘yicha dekan o‘rinbosari, qabul komissiyasi mas’ul kotibi o‘rinbosari (sirtqi ta’lim shakliga va ikkinchi oliy ma’lumotga, shuningdek Adliya vazirligi yuridik texnikumi hamda universitet huzuridagi akademik litsey bitiruvchilarini bakalavriatga qabul bo‘yicha)

7

Samir Latipov

Huquqiy tashabbuslar va innovatsiyalar markazi direktori, qabul komissiyasi mas’ul kotibi o‘rinbosari (qo‘shma ta’lim dasturlari bo‘yicha)

8

Dilshod Nurumov

Sud, huquqni muhofaza qiluvchi organlar va advokatura kafedrasi katta o‘qituvchisi, qabul komissiyasi mas’ul kotibi o‘rinbosari (moliya-xo‘jalik ishlari bo‘yicha)

To‘lov-kontrakt bo‘yicha o‘qitish miqdorlari

2020/2021 O‘QUV YILI UCHUN TOSHKENT DAVLAT YURIDIK UNIVERSITETI BAKALAVRIATI VA MAGISTRATURASIDA TALABALARNI TO‘LOV-KONTRAKT BO‘YICHA O‘QITISH MIQDORLARI

O‘zbekiston Respublikasi Prezidentining 2020 yil 12 iyundagi “2020/2021 o‘quv yilida O‘zbekiston Respublikasining oliy ta'lim muassasalariga o‘qishga qabul qilishning davlat buyurtmasi parametrlari to‘g‘risida”gi PQ–4749-son qarorining 6-bandida o‘zini o‘zi moliyalashtirish tizimiga o‘tgan oliy ta'lim muassasalariga to‘lov-kontrakt asosida o‘qitish qiymatini belgilash huquqi berilgan.

Shuningdek, o‘zini o‘zi moliyalashtirish tizimiga o‘tgan oliy ta'lim muassasalari rektorlari bakalavriat ta'lim yo‘nalishlari va magistratura mutaxassisliklari bo‘yicha belgilangan to‘lov-kontrakt miqdori haqidagi ma'lumotlarni bir hafta muddatda ommaviy axborot vositalari va Internet tarmog‘ida e'lon qilishi bo‘yicha vazifa yuklangan.

Mazkur vazifa ijrosini ta'minlash maqsadida 2020/2021 o‘quv yili uchun Toshkent davlat yuridik universiteti bakalavriati va magistraturasida talabalarni to‘lov-kontrakt bo‘yicha o‘qitish miqdorlarini belgilash masalasi universitet kengashining 2020 yil 16 iyun kuni o‘tkazilgan navbatdan tashqari 5-son yig‘ilishida ko‘rib chiqildi va belgilandi.

Universitet kengashi 2020/2021 o‘quv yili uchun talabalarni to‘lov-kontrakt bo‘yicha o‘qitish miqdorlarini belgilashda, bugungi kunda dunyoda va mamlakatimizda hukm surayotgan pandemiya va karantin sharoitidan kelib chiqib, shuningdek talabalarni ushbu sharoitda ijtimoiy jihatdan keng qo‘llab-quvvatlash maqsadida 2020/2021 o‘quv yili uchun to‘lov-kontrakt miqdorlarini oldingi o‘quv yilidagi to‘lov miqdorlaridan oshirmagan holda belgilash bo‘yicha qaror qabul qildi.

Universitet kengashining tegishli qaroriga asosan 2020/2021 o‘quv yili uchun to‘lov-kontrakt miqdorlari quyidagicha belgilandi: 

Toshkent davlat yuridik universiteti bakalavriati va magistraturasida 2019/2020 va 2020/2021 o‘quv yillari uchun belgilangan to‘lov-kontrakt miqdorlari to‘g‘risida taqqoslama ma'lumot                                                                                     

Ta'lim turi

(kunduzgi)

2019/2020

o‘quv yilidagi stipendiyasiz to‘lov-kontrakt miqdori

2020/2021 o‘quv yilidagi o‘quv krediti miqdori

Bir o‘quv krediti qiymati

2020/2021 o‘quv yili uchun belgilangan stipendiyasiz to‘lov-kontrakt qiymati**

2019/2020 o‘quv yilidagi stipendiyasiz to‘lov-kontrakt qiymatiga nisbatan farqi

summada

MXTEKM

(679 330,0 so‘m)ga nisbatan, foizda*

А

1

2

3

4

5

6

7

1

Bakalavr

9 809 260,0

60

163 039,2

24%

9 782 352,0

-26 908,0

2

Bakalavr (xorijiy fuqarolar uchun)

17 000 000,0

60

278 525,3

41%

16 711 518,0

-288 482,0

3

Magistratura

11 167 920,0

90

122 279,4

18%

11 005 146,0

-162 774,0

4

Magistratura (xorijiy fuqarolar uchun)

19 000 000,0

90

210 592,3

31%

18 953 307,0

-46 693,0

** Ushbu miqdorlar tarkibida talabaga bir yillik stipendiya to‘lash bilan bog‘liq xarajatlar ko‘zda tutilmagan.

* Mehnatga haq to‘lashning eng kam miqdorlari o‘zgarganda to‘lov-kontrakt qiymati miqdorlari mos ravishda o‘zgaradi.